U Montri Rangbah warim ka jylla Assam u Tarun Gogoi uwa da ksoh ya ini i kyrdan 15 snem (le sien) khlem sangeh, da khlaad noh u ynne ka sngi, da em u 84 snem wei da ieh u chadien yaka kurim u wa ya arngut ki khon.
Ka sorkar Assam da pynbna ko leh ya ki le sngi kam ki sngi wow yaam bru, kam ka dak leh warom ya u Gogoi uwa da khlaad hadien wa da chait u na COVID-19.
Ya u Gogoi da li booh cha ka Gauhati Medical College (GMCH) nadooh ka 2 tarik uni u bnai heiwa da hap wow pyndait da ki kor wow yarap ya oo wow riñ mynsien hadien wa joor i chitom u ynne ka sngi.
Da mih Hospital u haka 25 tarik u Naichiphaw hadien wa sumaar ya oo ar bnai ha GMCH hadien wa da chait u na u COVID-19 uwa da Test wa pynyoo wa yoh u ya uni u khñiang haka 25 tarik Naisaphra.
U Gogoi toh u MLA ka Titabor Assembly Constituency (kawa katni man MLA da u khon u) nadooh u snem 2001, da jooh man u leh kam u MP la 6 sien wa kam u Union Minister arsien.
Ki ktien sñiawlem da poi ki na kylleiñ ka ri nadooh u Prime Minister, u President, u Rahul Gandhi, u Montri Rangbah ka Assam wa kiwi kiwi de.
Ya u Tarun Gogoi da kha haka 01-04-1934 ha Sibsagar District kawa katni ka Jorhat District.
