U Dolloi ka Elaka Nartiang u Hepsing Dhar da phetrieh u ya idæ yow lait nei chah kem ha ki pulit kiwa thooh ya oo hadien wa kawi ka manbei kawa na Nongjngi da wan ko wow ujor pyrchah ya oo ha ki pulit ka Nartiang hajrong i pynbaad wa da emkti u wow slaitbor yaka ka ha ka 30 tarik u bnai wa da dep.
Neiliang u SP ka WJH u Bikram D Marak da pyntip u wa ki pulit da Register ki yaka Case hajrong ini i jia wei i thooh ya u Dolloi yow kem dang lai ko chakhmat kamjooh ka takit yei ujor katai ka manbei.
U tai u Dolloi toh leh uwa e dai dawai kymbat lane Kabiraj uwa da dep chah pynbaad leh ha kam kini ki kaam thombor ha kawi ka kynthai kawa 16 snem i rta hapoh ka kamra e dawai yong oo hi kawa da jia ha u Naiynniaw, 2018.
Ha itai i por ka bei katai ka khynnah da ujor ko cha ki pulit heiwa da pynngat mukotduma ya oo hapoh ki kyndon ka POCSO Act.
Neiliang ka ka Federation of Khasi Jaiñtia and Garo People (FJGP) Nartiang Area Unit da beiñ joor ya ini i leh u Dolloi wei da kyntu ko leh ya ki bor yong ka aiñ wow kem syndon ya u Dolloi uwa khlem raiñ uwa nood wow leh ya kam kani ka kaam pohjait pohrti wow chim kabu ya i chida ki kynthai.
