Hadien wa pdung u Bomb ha i thaw sah ki wakreh ka karkhana Star Cement, East Jaiñtia Hills ha i miet ka 12 tarik da mih i mynsoo ki ar ngut ki bru kiwa da takha malum malæ.
Hawa yaklam wa u SP ka District, u Deepal Palecha da ong u wa hadooh katni dang pynman ya i takit hajrong ini iwa jia, wei da kyntait u wow ong iwon iwon hajrong i kam ka HNLC neibhah wa i takit dang man i iwa lai bait.
Hajrong i em kiwon kiwon kiwa suba neiliang u Palecha da kyntait u wow ong iwon iwon hajrong ini i jia.
Da ong u leh wa ini i pdung ymtoh neidaw u IED neibhah wa ymchem ya iwon iwon i sabut namo ka Digital Evidence wow pynsakhiat yeini neibhah katkam wa man hi toh i pdung da jia i na ki Diñdamite (Nitroglicerine).
Da pynrap u leh wa mar ya tip yeiwa jia da phah u wow kerkut talawiar ini i thaw wei da phah ya ka Bomb Disposal Team wow takit ko yeini wei dang yang ya ka bui na ka hajrong ini iwa jia yow ye u ong da iwa tikna.
