Ynne ka 25 tarik heipor 8 waje i step, ka Dorbar Chnong Ladmukhla da saam kymmor cha ki 45 ngut kam ka e sñiawbha Christmas wa kynthup ya ki khonswet, kiwa em i duna wa ki tymmen kiwa em hapoh ka chnong Ladmukhla khamtam ha uni u snem wa rap joor ka kjam.
Da pynlai ya ini i saam kymmor da u H.D. Shylla, da yoh i klam na u C. Sumer wa na u Waheh Chnong ka Ladmukhla u E. Lyngdoh. Ha chwa wow saam, da yoh leh yei ngooh Blai na u L.S. Suna.
Neiliang ka Dorbar Chnong e khublei kyrpang ko ya kiwa yarap wow pynyoh ya kini ki kymmor kiwa em yei mynsien sbun wow ya ksohkti lang wa ka Dorbar Chnong deiwa ong wa e wa u Blai u kyrkhu kyrdoh u ya waroh kiwa pynman ya kani ka sngi kawa jop.
