Ha uni u snem u pyndep noh ka sorkar ya ki kaam wa yatoh wa ka ILP, ka ktien Khasi wa Them Mator: Prestone Tynsong

U Symbood Montri Rangbah ka jylla, u Prestone Tynsong da ong u wa ka sorkar daw pyndep lut ko ya ki kaam wa da sahteiñ ha uni u snem thymme 2021, wa kynthup leh ya kiwa boon ki kaam pynroi neibynta i myntoi ki paidbah ka jylla.

Hawa yaklam wa kiwa pathai khubor, u Prestone da ong u wa ki kaam wa sahteiñ wei kiwa hakhmat dooh ya ka sorkar wow booddien ko toh ka Inner Line Permit (ILP), wow tipmit noh ya ka ktien Khasi wa Garo ha ka kyrnit wa phra yong ka riti synchaar ka ri India, kiwa man i angnood ki paidbah ka jylla.

Da ong u leh wa ka phang Them Mator leh toh kawi na ki kaam wa ka sorkar u pyndep noh ko deiwa pynmiat noh ya kani ka thaw.

Heiyatoh wa i pynbait pood wa ka jylla Assam, da ong u wa em i eh kajiak neibhah neini chipor daw em ka Election ha katai ka jylla ha uni u snem, tangwa da ong u wa hadien ka Election ka Sorkar MDA daw yaklam ko wow pynbait ya u pood.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025