Ka Khasi Students Union (KSU) Shangpung Unit ynne ka 5 tarik da yoh ko wow pynkup burom da ka 1st Mait Shaphrang Academic Award yaki khynnah khynroo kiwa da leh bha haka yakhun SSLC, HSSLC, Degree wa kiwi puræ ha u snem wa da dep wa kynthup leh ya kiwa yalehke Sports waphær waphær kam chibynta wow pynchlur yaki khynnah yow pteiñ ki wow man kiwa minot chooh chooh haka puræ puthi wa ha ki yalehke Sports neini chakhmat.
Ya kani ka e khusnam da pynman ha Shangpung Pohshnong Auditorium Hall kawa pynlai da u President ka KSU Shangpung Unit u Phrangki Papang, hei emlang u General Secretary u LutmonSungoh, u Education Secretary u Tennyson Suchiang wa kiwi ki dkhot ka KSU Shangpung Unit.
Da emlang leh u Shiningstar Kharbihkhiew, Assistant Education Secretary CEC, u Banjop Maring, Education Secretary North Khasi Hills, u Leningrad Tariang deilang wa u Waheh Chnong ka Shangpung Pohshnong wa kiwi kiwi ki dkhot ka KSU.
