Jowai : Ka lympung yalehke Football U-16 kawa da tip kam ka Independence Day Cup kawa da pynman da ka WJDSA da poi ko cha ka yakhun Quarter Final ynne ka sngi.
Ha ka yakhun wa nyngkong hapyrdi ka 7 Wasa wa ka Moosalyngkat. Ka 7 Wasa da jop ko da 2-1. Ya ki kool ka 7 Wasa da thap da u Dapbiang Salahe ha ka minit wa 69 wa 72 (extra time). Katwa ya ka kool ka Moosalyngkat da thap da u Owen Laloo ha ka minit wa 19.
Ha ka yakhun wa ar won hapyrdi ka Khliehiongriang wa ka Khimusniang. Ka Khliehiongriang da jop ko da 3-0. Ya artylli ki kool da thap da u Ohichos Siangshai ha ki minit wa 17 wa 20, wa na u Daowothi Dkhar ha ka minit wa 57.
Ka yakhun Semi Final daw yaleh ha ka 11 Naisaphra heiwa nyngkong u yaleh ka Lumpariat pyrchah ka Khliehiongriang heipor 1:30 i sngi. Ha ka yakhun wa ar won ka hapyrdi ka Dulong pyrchah ya ka 7 Wasa heipor 3:30 i janmiet.
Discussion about this post