MCA U-14 Inter District Tournament: Jop ka Shillong waka East Jaiñtia

Ki yalehke ka Zone 1 yong ka Meghalaya Cricket Association U-14 Inter District Tournament da sdang ki ynne ka sngi deiwa jop ka Shillong Cricket Association waka East Jaiñtia Cricket Association wa pynman ha Nongpoh.

Haka Zone 2 ha Mendipathar, da jop ka Tura waka North Garo Hills.

Ka SCA da jop ko da 10 Wicket yaka All Jaintia Cricket Association deiwa kdong yaka 86 Run wa booh ka AJCA. U Maremdor Sutnga da kamai boon Run dooh u deiwa yoh 36 Run heiwa u Player-of-the-match u Ashish Kr Lohar da yoh u 4/13. Hawa kdong yei thong u Siddhart Saikia (34) wa u Rudra Pratap Singh (31) da pynjop suk ki.

Haka yalehke wa ar, ka Ri-Bhoi da kamai ko 122/8 (Sujal Roy 50; Shan Tamang 2/17 wa u Bitu Lama 2/17). Hawa jubab, ka East Jaiñtia da yoh ko 123/4 (Bitu Lama 34; Benedict Makdoh 2/29). Yei lehbha u ha waroh ki liang, u Lama da yoh u yei naam Player-of-the-match.

Ha Mendipathar, ka Tura da jop ko yaka South Garo Hills da 2 Run haka yalehke wa ya thaiñ bha. Ka Tura da ye ko wow kamai 80/8 na ki 20 Over (Agatchu Chetai 22; Jestbath D Shira wa u Dip Bijoy da yoh ki mar 2 Wicket). Ka SGH da jubab u deiwa yoh 78/9 (Chiangbo Marak 14; Agatchu Chetai 3/8). U Chetai da yoh u yei naam Player-of-the-match.

Ha kawi won ka yalehke, ka NGH da jop ko da 7 Wicket yaka East Garo Hills. Ka EGH da dooh ko ya waroh ki Wicket deiwa kamai 79 Run (Bumbumba N Marak 20; Tengrik Sangma 4/10). Ka NGH da ye ko wow kdong ya kani ka thong ha ki 9.1 Over deiwa dooh 3 Wicket (Rakseng Marak 28; Jeristho Marak 2/17). U Tengrik Sangma da jied ya oo kam u Player-of-the-match.

No Result