Ynne ka sngi neiliang uwa yahkhmat ka National People’s Party (NPP) uwa man leh u Symbood Montri Rangbah ka jylla, u Prestone Tynsong da pynksan u ya i wym bood ya ki kyndon yada COVID-19 ha ki rynsaan yalap Election ha Garo Hills deiwa ong wa ki yalang paidbah ki yalap Election toh kiwa da dep booh chwa wei da sdang kamwa 3 tayaw chwa wei ymtip yei rukom wan ki bru.
Da ong u, wow pynbaad donhi ym man i iwa miat neibhah ha ka yalap Election wot ha waroh kawi ka ri India, ym ye wow khang yei wan ki paidbah.
I sdang ku biang kiwa chah ktah ha u COVID-19 ha jylla ha kini ki sngi wa dadep da pynbor i ya ka sorkar lyngba ki bor District wow pynkhor biang ya i lai i wan khamtam ki yalang paidbah.
Ini i pynkhor biang ka sorkar da ki kyndon wow yada COVID-19 da mih leh chiboon i pynbaad khamtam ha ki Social Media, wa pynbaad wa ka sorkar da leh chiliang ko neibhah ki kyndon wa da booh ym krehkaam ki ha ki rynsaan yalap Election MDC ha Garo Hills.
