Ynnin ka sngi, hei yahkhmat u Deiniwan Lyngdoh, President Wapung Unit Lyngdoh, u Donbok Mukhim President ka Ladrymbai Unit deiwa emlang u President yong ka AJYWO Central Body u Reachingson Siangshai da lai sylli ki ya ki dukan wa dai Wholesale wei dai khutia kiwa em ha Ladrymbai wa Khliehriat.
Ki ar seiñ da chem ki wa boon ki dukan ym em booh ki ya dor ki mar wei katwon em mar ki (Price List Board wa Stock List Board) ha ki dukan yong ki.
Kamtæ da lai yachem ki dkhot ki ar seiñ wa u DC yong ka East Jaiñtia Hills District wow kyrpaad ya oo wow phah booh ya ki Price List Board wa Stock List Board ha ki dukan katkam ka aiñ Essential Commodities Act, 1955.
Da kyrpaad leh ya u DC wa toh u pynbna noh ya ki dor ki marbaam mardih hapoh ka District waroh yow lait na i chah chim kabu ha ki tre dukan khamtam ha kam ini i por wa joor ka khlam COVID-19.
Neiliang u DC da rai u wow pynman da ka yachemlang ha kini ki sngi wow wan wow yaklam ya i kyrpaad yong ka seiñ.
Ki seiñ da kyrpaad ki ya ki paidbah wow ya krehlang wa ki wei lada chem ki ya ki dukan wa chim kabu hei pyrtuid yong ka khlam COVID-19 wow pyntip ki wut wut cha ka seiñ.
Ki number wow pyntip:
- 9678091106
- 9383052286
- 8119803577
