Neidaw ka la-ær wa ar ka khlam COVID-19, neiliang ka Ministry of Education da kyntu ko wow pyndam ya waroh ki Exam wa yaleh Offline kiwa da pynbait wow pynman ha uni u bnai (May), 2021.
Ha ka chithi wa thoh cha waroh ki thaw puræ wa da pynlai da yarap da ka sorkar pyrdi, u Secretary, Higher Education u Amit Khare da kyntu u ya kini ki thaw puræ wow pyndam chwa chipor namo wow Postpone ya waroh ki Offline Examinations kiwa da pynbait wow pynman ha uni u bnai heiwa ki Online Exam ye u pynman kamwa da booh.
Ka chithi da ong ko leh wa i rai hajrong ini daw chong pyrkhat biang ha ka tayaw wa nyngkong u Naiynru, 2021.
Da sneiñ leh ya ki thaw puræ wow e yarap ya kiwon kiwon kiwa emkaam yarap yow lait ki nei chitom ha kini ki por. Da pynchlur leh ya waroh kiwa em ha ki thaw puræ kiwa biang wow yoh yei dawai tika COVID-19 wow lai chim ki ya ini i dawai kamjooh wow pynmyllien wow im deiwa yada ya idæ.
