15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Dawa ki soo seiñ wow pyndam noh ya u Director ka MePDCL

Advertisement ad1
Advertisement ad1
Advertisement ad1

Ki soo tylli ki seiñbhalang kitæ ka FKJGP, KSU, HNYF wa RBYF da dawa ki wow pyndam noh ya u MK Chettri kam u Director (Distribution) ka Meghalaya Power Distribution Corporation Limited (MePDCL), uwa da thung haka 22 tarik u bnai wa da dep deiwa maham wow pynman da ka yakhih lada ka sorkar ym leh ko yeiwa dawa.

I daw wa pyrchah toh neidaw wa ka sorkar kaap ko ya ki 5 ngut ki sahep kiwa em haprang kiwa man leh kiwa da biang wow thung yow man kam u Director (Distribution) ka MePDCL.

Advertisement ad1
Advertisement ad1

Da kylli leh yei rukom krehkaam ka sorkar MDA wa yahkhmat da ka NPP yei wanrah ya ki bru kiwa na baar heithaw wow thung da ki sahep wa da biang i kreh wow man kam u Director.

Kamtæ da ong wa suba joor wa ka sorkar da leh ko ya ini yow tlep ya ki kaam tooh kaam baam-tyngka hapoh ka MeECL deiwa wanrah da ki bru kiwa na baar jylla. Da maham ki soo seiñ wow sai pyrthai leh ya ki kaam tooh hapoh ka chnat bordiñ.

Ha iwi tawon i liang, da pynsñiaw leh yei pyrchah yei e Contract cha ka M/S Broadcasting Engineering Consultants India Limited (BECIL) na Noida, Uttar Pradesh, yow pait wei wow pynkrehkaam ya ki 56 tylli ki Sub-station khlem da khut ya ka Tender lane ka Expression of Interest (EOI).

Hajrong ini da ong wa ym em khooid ini i rukom e kreh wei da yoo la kam wa da leh yow pynhun ya ki kattu katni donhi wei deiwa leh kamni da pyndooh laad ko leh ya ki khynroo khyllood ka jylla wow yoh kreh ha kini ki Sub-Station.

Share this:
Previous

Kyntu ka Ministry of Education wow pyndam chipor ya ki Exam ha uni u bnai

Next

Hiar dor i burom akor