15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Nadooh 8 waje i miet u sdang ka Night Curfew ha East Khasi Hills

Advertisement ad1
Advertisement ad1
Advertisement ad1

Neidaw wa ku kiwa yoh COVID-19 hapoh ka District kamtæ da pynkylla kajiak yaka hukum kawa da pynmih chwa ini wa dep, heiwa ka District Magistrate, East Khasi Hills District da pynkylla ko yei por ka Night Curfew iwa daw sdang noh nadooh 8:00 waje i miet cha 5:00 waje i step man-ka-sngi ha East Khasi Hills District.

Kamtæ kani ka hukum u krehkaam ko nadooh 4 tarik uni u bnai. Chooh chooh ki kyndon wow kdoh u khoom yei poor ka khlam COVID-19 leh da pynkylla heiwa waroh ki dukan wa em ha Shillong wa ki khapsor toh u khang ki heipor 7:00 waje i miet nadooh ka 4 tarik uni u bnai.

Advertisement ad1

Kani ka hukum da pynlait ko ya ki dukan dai dawai kiwa ye u wai hadooh 10:00 waje i miet kamjooh kiwa leh ya ka Home Delivery yei baam wa ki Petrol Pump.

Kam wow pynkynmoo wa ini wa dep ya ka Night Curfew da pynkrehkaam nadooh 10:00 waje i miet hadooh 5:00 waje i step wei ya ki Petrol Pump wa kiwa leh Home Delivery da chah wow krehkaam ki hadooh 11:00 waje i miet.

Ha iwi tawon i liang, ka chnat Home (Political) Department ha ka hukum wa pynmih ynne hi ka sngi da phah ko ya waroh ki yung krehkaam (Central, State, Private, Banks, Post Offices wa kiwi) kiwa em ha Shillong wa khapsor wow khang ki heipor 4:30 i sngi man-ka-sngi nadooh ka 4 tarik uni u bnai hadooh wa pynmih hukum da kamwi.

Share this:
Previous

Dang yaleh ka sorkar wow tipmit ya ki thaw wa mih wa lang ka um

Next

Kyntu ka Ministry of Education wow pyndam chipor ya ki Exam ha uni u bnai