Neiliang u District Magistrate ka West Jaiñtia Hills, ynne ka 4 tarik da pynmih hukum u hapoh ka Section 144 Cr.PC deilang wa ka Meghalaya Epidemic Diseases, COVID-19 Regulations 2020 yow phah khang ya ka Iawmusiang (Pohyaw), CNI Market (Yaw Chor), Presbyterian Market (Yaw Chyiap) Chutwakhu, wa ka Seiñraij Market (Yaw Seiñraij), Iawmusiang, Jowai.
Da phah leh ya ini hadien wa ki Incident Commander wa ki Sector Magistrate da pyntip ki wa em i tyngkheiñ ya ki kyndon yada COVID-19 kam i deiñ ya ki Mask, u yajngai uwi ya uwi (Social Distancing) ha ki yaw wa da kdaw haneiñ.
Kini ki yaw u khang ki chipor nadooh ka 5 tarik hadooh wa da pynbna da kamwi tawan. Ya kiwa leh pyrchah daw pynchitom katkam ka aiñ Section 51(b) ka Disaster Management Act,2005.
