15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ym joh bor de ka sorkar ko wow chim-wai ya ki Hotel neibynta kiwa kreh ha i chait i khiah: Hek

Advertisement ad1
Advertisement ad1
Advertisement ad1

Ka jylla Meghalaya da pteiñ ko wow sakhi ya i boon kiwa chah ktah ha u COVID-19 heiwa ynne ka sngi da em 339 ngut kiwa dang yoh thymme ya uni u khñiang hapoh jylla iwa man wa boon dooh nadooh wa sdang ka khlam wei katni da em 2019 ngut kiwa dang chah ktah ha oo.

Hanla em boon kiwa chah ktah, neiliang ka sorkar da pyndooh ko ya boon tylli ki Quarantine Center næ ki thaw sah ya kiwa chah ktah wa kiwa wan na baar jylla.

Advertisement ad1
Advertisement ad1

Neiliang u montri wa pait ya i chait i khiah, u Alexander Laloo Hek da ong u wa ka sorkar da pynkhreh ko wow booh ya ki Quarantine Center, kawi ha IIM Nongthymmai, NIFT wa ha ki COVID Hospital ha Umsawli wa ha Lawmali, tangwa ka sorkar da phah sah bait ko ha yung hadien wa yaklam wa kitu kiwa biang thaw sah ha yung.

Hawa kylli u Hek da ong u wa kamwa man katni ka sorkar dang ye ko wow yakhun deiwa pynrap wa ka sorkar daw booh biang ko ya ki Quarantine Center ha ki skur wa ki chnong kamwa da leh ha u snem wa da dep.

Heiyatoh wa ki thaw sah kiwa kreh ka chnat i chait i khiah kiwa sumaar ya kiwa yoh COVID-19, u Hek da ong u wa ka sorkar da phah sah bait ko ha yung hadooh 5 sngi hadien wa dadep Test deiwa hap syndong ki neibhah ka sorkar ym joh de i bor ko wow chim-wai ya ki Hotel kamwa da leh ha u snem wa dadep.

Hawa kylli wa ym wanrah ko yei maa ya kiwa ha yung ha sem, u Hek da ong u wa hadien chi snem wa da maad ya u khñiang Coronavirus, ki paidbah wa kiwa kreh ka chnat leh da sñiawthooh ki wow yada pyn daki yaki hi wei kmen ki leh wa yoh ki u liwan yung.

Ha iwi i liang u Hek da ong u wa na kiwa yoh ya u khñiang, em kamwa 60 ngut kiwa rap ware kiwa chah sumaar deiwa hap e Oxygen.

Share this:
Previous

Da phah khang ya waroh ki yaw wa em ha Iawmusiang

Next

Ka sorkar ym randien ko wow yarap ya ki paidbah: Hek