Ka sorkar Meghalaya da pynbna ko ynne ka sngi wow pteiñ ya ka Lockdown ha East Khasi Hills District hadooh ka 5 waje i step ka 07-06-21 katwa ya waroh kawi ka jylla ki kyndon wow kdoh u khoom namo ka Containment Measures u pteiñ ko hadooh ka 31-05-21 heiwa da e bor ya ki DC wow leh ki yeiwa emkaam heiwa ka Weekend Lockdown leh daw pteiñ ko ha waroh kawi ka jylla.
U pteiñ leh u khang yei wan kiwa uiñke suwari kiwa na baar chapoh ka jylla, ym chah wow wai ki thaw uiñke suwari, u pynman ya kiwon kiwon ki yalang paidbah wei wow pynman ya kiwon kiwon ki yalehke Sports.
I khayi khappood wa kiwi ki ri u wai biang deiwa booh kyndon ki DC.
Heipor wa em ka Lockdown hapoh ka East Khasi Hills District, u pteiñ yei khang ya kiwa em hapoh ka District wow lai ki cha kiwi ki District kamjooh ya kiwi wow psiah ki chapoh ka District.
Ki Bank wa em ha Shillong u wai du ka SBI Main Branch, Laitumkhrah kamjooh ka Secretariat leh u man ko kawa wai deiwa pynduna ya ki bru wakreh.
Kiwi ki yung krehkaam sorkar jylla u man ki kiwa khang lait noh kitu kiwa da pynbna, kiwi ki Bank u chah u wai ki ha ka 31-05-21 wa ha ka 01-06-21 deiwa pynduna bru wakreh wow leh du ya ki kaam wa jhan wei toh u khang ki chwa ka 4 waje i janmiet.
Waroh ki Post Office u chah u wa ki ki ha ka 2,3 wa 4 tarik u Naiynru deiwa pynduna yaki bru wakreh.
Lada jia wa em i yap bru, u chah wow em du 10 ngut ki bru deiwa yoh bor na ka DC ka East Khasi Hills.
Kiwi ki yung krehkaam ka sorkar pyrdi u wai ki katkam ki kyndon wa da pynbna da ka Ministry of Home Affairs.
Ha ini i pteiñ ya ka Lockdown ha East Khasi Hills, da chah biang wow leh ya ka Home Delivery, ki kaam wa yatoh wa MGNREGA, ki kaam chna yung kiwa em chwa ki wakreh hei thaw chna, u chah ya ki kaam rep kiwa waroh daw pynbna bniah da ka DC. I rukom wai dukan leh daw pynbna da ka DC.
Chah hi leh yaki kaam E-commerce wa ki Courier Service hapoh ka District iwa chong hei pynbait ka DC ka East Khasi Hills.
Kiwi ki kaam wa da pynlait ini wa dep u pteiñ ki kamwa jooh.
