Ar ngut na kiwa chah kem ha ki pulit ka Bengaluru kiwa emkti wow thombor ya kawi ka kynthai, da chah siat ki ha kjat ynne ka sngi hadien wa pyrchang ki wow yut na ki pulit.
Heipor kamwa 5 waje ynne i step, ki pulit da yah ki ya ki 4 ngut ki chynrang cha i yung wa leh ki ya i kaam yong ki ya ka kynthai tangwa ar ngut na ki da pyrchang ki u yut heiwa ki pulit da siat ki pyn-ar ha kjat. Da yah ya ki cha ini i yung wa jia toh yow pynyoo ki kammon wei heiwon da leh ki yei kaam yong ki pyrchah ya kawi ka kynthai.
Kini kiwa chah siat toh u Hridoy wa u Sagar kiwa nyngkong da yakhun ki wa ki pulit chwa wow pyrchang ki u yut wei da pynkit ya ki cha Hospital sorkar hadien wa chah siat ki.
Ki pulit ynnin waroh da yoh ki wow kem ya 4 ngut ki chynrang wa 2 ngut ki kynthai heiwa ya ka kynthai kawa chah thombor ym pu em chem ya ka kawa da mih napoh ka jylla Karnataka.
Kini kiwa chah kem toh kiwa da suba joor toh kiwa emkti ha ki kaam khayi kynthai wei kiwa da wan na Bangladesh. Da suba leh wa dang boon kiwi ki bru wa emkti ha ini i kaam khayi kynthai.