U Prime Minister ka ri u Narendra Modi uwa da chongknor ya ka yalang Review Meeting ynne ka sngi heiyatoh wa ka Class XII Board Exam ka CBSE. Hadien wa da pynyoo ya ka thooh bniah yei long i man ha ki jylla wei dei wym yoo tikna i long i man na u COVID-19, da rai wa ya ka Class XII Board Exams ym pynman ha uni u snem.
Da rai leh wa ka CBSE toh u chim ko ya ki laad ki luti wow pynmih Result ka Class XII deiwa booh da ki kyndon wa che deiwa booh leh yei por wow pyndep u leh yeini.
U Prime Minister da ong u wa i rai wow pyndam ya ka Class 12 CBSE Exam toh iwa da leh deiwa pyrkhat yei bha i miat ki khynnah. Da ong u leh wa u COVID-19 da ktah u ya u snem lai puræ ki khynnah wei i pynman Exam da pynkuslai ko ya kiwa boon nadooh ki khynnah wa ki bei ki pa wa kiwa sikai iwa da emkaam wow pyndooh ya ini.
Chooh chooh da ong u wa i long i man hapoh ka ri toh iwa kylla man-ka-sngi, hanla ha kini ki sngi da sdang duna kiwa dang yoh ya u khñiang heiwa da em ki jylla wa da pynkrehkaam da ki Micro Containment wei em leh kiwa da pynkrehkaam da ka Lockdown. Ki khynnah skur, ki manbei manpa kamjooh kiwa sika man ki kiwa khuslai yei chait i khiah ki khynnah wei ym toh wow pynbor ya ki khynnah wow yaleh Exam ki ha kam ini i por wa ym man chngaaiñ wei chong sier ki bru.
U Prime Minister da ong u leh wa i chait i khiah ki kynnah wei wow yada ya ki toh iwa emkaam dooh wei ym toh wow booh ya ki khynroo khyllood yong i hei maa.
Ha ka yalang wa pynman ynne ka sngi da emlang ki Union Minister ka Home, Defence, Finance, Commerce, Information & Broadcasting, Petroleum and Women & Child Development Ministry, Principal Secretary u PM, Cabinet Secretary & Secretaries ka School Education & Higher Education Departments wa kiwi kiwi de ki heh sorkar.
