U montri rangbah ka jylla, u Conrad Sangma ynne ka sngi da lai yachem u ya ki bru wa chah ktah ha u COVID-19 wei kiwa thiah sumaar ha Covid Ward ha Tura Civil Hospital heiwa da kular u wa ka sorkar daw yarap ko ya ki katwa ye ko.
Ha ini i lai u Conrad da sap u da ki sula PPE wei da khana u yei saja wow sap bait ya kini ki sula heiwa du hapoh kamwa 20 minit donhi wa sap u da sñiaw u katwon wa chit wa ngiah, da yaroh u leh ya kiwa kreh ha i chait i khiah khamtam kiwa sumaar ya kiwa chah ktah ha u COVID-19 heiwa hap sap ki ya kini ki sula dei yong kynta man-ka-sngi.
Da e yaroh u ya kiwa kreh ha i chait i khiah kiwa kreh khlem sangeh sngi wa miet hanlada chitom ki deiwa e khublei kyrpang leh ya ki waroh.
Chooh chooh da kyntu u leh ya ki paidbah wow bood ki ya ki kyndon yada na u COVID-19.
