U Montri ka chnat puræ puthi ka jylla Meghalaya, u L. Rymbui ynne ka sngi da sdang u ya ka National Initiative for School Heads and Teachers for Holistic Advancement (NISHTHA) 2.0 ka thong e sikai ya kiwa sikai Secondary wa Higher Secondary ka Meghalaya ha ka yalang wa da pynman ha ka Conference Hall, Directorate of Education Research & Training, Shillong.
Hawa e yei klam, u Rymbui da kyrpaad u ya kiwa sikai wow chimbynta ha kani ka e sikai Online kawa daw pynyoh myntoi ya kiwa sikai, deiwa ong leh wa i kaam e sikai toh iwa emkaam wow pynpliah pynjanai bha kammon wow e sikai.
Da ong u leh wa i puræ puthi toh iwa emkaam bha hei pynwan dur ya ki khynnah kamjooh ya ka imlang sahlang waroh kawi.
Kamtæ emkaam wow pynkhlan yei rukom e sikai neibhah ki nongsikai emkaam ki wow embynta lang ha ini i da pynkylla, pynthymme ya ka luti wa lai ka puræ puthi.
Kiwi de kiwa emlang ha kani ka sngi toh u Secretary, Education Department, u A Ch Marak, Deputy Director (DERT), u P B Lartang wa kiwi kiwi de.
