Kam chibynta i lehkmen ya ka lyngkhooh dap 75 snem i laitlooid ka ri namo ka Independence Day 2021 (Azadi Ka Amrit Mahotsav), u District Sports Officer, West Jaintia Hills daw pynman u ya kiwa boonjait ki kaam nadoh ka 13 tarik hadooh ka 15 tarik uni u bnai.
Ha ka 13 tarik daw pynman ya ka Cyclothon heipor 8:00 i step kawa daw sdang na Kiang Nangbah Stadium wei daw pynkut ha u mot Kiang Nangbah Memorial, Syntu Ksiar. Kani ka Cyclothon toh kam chibynta wow pynkynmoo yeiwa da leh, da e ki khlawait ka jylla.
Ha ka 14 tarik daw em ka Webinar hajrong ka phang Freedom Fighters of Jaiñtia Hills. Kawa daw sdang heipor 2:00 waje i sngi.
Ha ka 15 tarik daw pynman ya ka Independence Day Run heipor 7:00 waje i step kam chibynta wow kynmoo warom ya ki khlwait.
I luti wow lai ha ka Cyclothon waka Independence Day Run toh na Kiang Nangbah Stadium-Ladthadlaboh Main Road-Moosalyngkat-Mission Hospital-Dulong-Pamhadem-Le Kyrnah-Kiang Nangbah Memorial, Syntu Ksiar.
