theme-sticky-logo-alt
theme-logo-alt
Advertisement ad1

Beiñ u Lahkmen yei maham ka HNLC ya ki laad pathai khubor

Advertisement ad1
Advertisement ad1

Ka seiñ Hynniewtrep National Liberation Council (HNLC) ha ka kyrwoh wa da pynmih da u General Secretary, u Saiñkupar Nongtraw da maham u ya ki laad pathai khubor wa ym jooh pynmih ki yaki kyrwoh yong ka seiñ hawa yatoh wa i khut pakhang chnong yong ka. Hajrong ini i maham yong ka HNLC, neiliang ka Shillong Press Club (SPC) da pynman ko ya ka yalang wa jhan ynnin ka sngi lyngba ka ‘Google Meet’, heiwa da pynsñiaw yei sñiawkhia hajrong katai ka kyrwoh wa da soi da u Nongtraw.

Neiliang u Montri Kaam Pohyung ka jylla, u Lahkmen Rymbui hawa klam ynne ka sngi hajrong itai i maham yong ka HNLC ya kiwa thoh khubor, da ong u wa ini i leh yong katai ka seiñ kieñsuloi da pynyoo ko wa ym burom de ko yei kaam, khamtam ki laad pathai khubor kiwa man ki paya wa soo ha ka Riti Synchaar ka ri India. Da ong u wa ym em kiwa ye u khang ya i kaam wa kiwa thoh khubor leh ki, wei toh ka hok wa i kamram yong ki laad pathai khubor wow pynyoo ya iwa tam næ duna wei wow pyntip cha ki paidbah ya iwa sakhiat.

Advertisement ad1

Da ong u wa ki laad pathai khubor toh kiwi na ki wakreh wow chakri ya ki paidbah, wei lada ka seiñ HNLC ym em ko yei chaniah ha ki laad pathai khubor, ym ye batai de wa kam kiyi ki jait kitæ ki bru.

Ha i jooh i por u Rymbui da ong u wa toh i kamram yong ka sorkar wow e yei chngaaiñ ya waroh kiwa chong chnong ka jylla, wei da ong u leh wa lada em na kiwa thoh khubor kiwa yachem yei eh ha i por wa dang kreh ki ya i kaam, ye ki wow pyntip cha ki SP wa ki OC yong ki thaw wa em ki.

Kam wow pynkynmoo wa ka yung bichaar Meghalaya High Court da pynmih hukum ko ha u 2015 wow khang yei pynmih ya kiwon kiwon ki khubor wa yatoh wa i pakhang chnong lane kiwon kiwon ki jait wa pynthut yei lai i man ki bru man-ka-sngi wa khut pynman da kiwon kiwon ki seiñ.

Share this:
Previous

Daw pynman ya ka Cyclothon waka Independence Day Run 2021

Next

Da boon snem chah ki 6 chnong yei eh wa mih na i noh-jhep, ong u Lahkmen