U Chairman ka Meghalaya State Planning Board uwa man leh u MLA/MDC ka Nongkrem Constituency, u Lambor Malngiang ynne ka sngi da booh u ya u mooyurim yow chna pynmiat ya u sarok chnong ka Smit. Ya ka yalang da pynman ha Lemthaw Dorbar Hall, Smit heiwa da emlang leh u Dr. Balajied Sing Syiem, Syiem Hima Khyrim Syiemship kam u symbood kongsan, ki sahep ka PWD (Roads), ki Waheh Chnong, kiwa mihkhmat ka Dorbar Smit Pyllun wa ka Seiñ Kynthai.
Ya uni u sarok da mang poisa hapoh ka RIDF XXVI neibynta u snem 2020-2021, hei dor T. 3.30 klur yow chna pynmiat ya u sarok wa jrong 5.43 km.
Hawa e yei klam, u Lambor Malngiang da khana u wa hanla ka khlam da wanrah ko yeiwa boon i heh, tangwa oo da kreh bait u yow wanrah ya ki kaam pynroi hapoh ka Constituency. Da ong u leh wa da dep wow khut Tender wei i kreh daw sdang i hapoh chi bnai wei manda pyndep yei kreh daw pynsuk ko yei lai i wan wei daw pynmiat ko leh ya ka chnong ka thaw.
Chooh chooh da pyntip u leh wa kamwa 13,500 tylli ki manyung hapoh ka Constituency da yoh yarap ki ha kini ki por wa em ka khlam.
U Dr. Balajied Sing Syiem hei klam yong oo da khana u ya kiwa boon ki kaam wa da sdang da u MLA/MDC ka Constituency deiwa ong wa kini ki kaam daw wanrah ko yei roi i paar ym du hapoh ka Constituency tangwa wot hapoh ka jylla waroh kawi.
