Ka DC ka East Khasi Hills kam chibynta i chah wow lai ki kari kamai da 50% nadooh ka 6 tarik uni u bnai kiwa kit bru na wa cha East Khasi Hills, da pynmih ko ya ki kyndon wa hap u bood kiwa em ya ka All India Tourist Permit kiwa lai na kawi ka District cha kawi kamjooh leh kiwa lai wei kiwa wan na kiwi ki jylla.
Ki kari wa na Meghalaya daw hap ki wow lai cha ki jar jiar ki yung krehkaam ki DTO yow yoh ki ya ka kot wa pynyoo yeiwa da dep yoh tika lane wym pu em (Vaccination Status).
Ki kari won wa wan na kiwi ki jylla hap ki wow pynyoo lada da dep ki wow yoh tika namo ym pu em iwa da pynsakhiat da ki bor wa pait ya ini chwa wow psiah ki chapoh ka jylla lane deiwa pynyoo ya ka Certificate of Vaccination lane ka Negative Test Report lane kiwa em ya ka Pass kawa e da ki bor wa pait ya ini.
Ki bru wa psiah chapoh ka jylla hap ki wow bood ya ki kyndon wa da pynmih da ka chnat Tourism ha ka 28-08-21.
Ki kari kamai (Tourist Vehicle) kiwa kit ya kiwa wan chi yung lane kiwa uiñke suwari wa wanlang chi kynhun ye ki wow thap bru katkam wa chah hapoh ka aiñ Motor Vehicle Act deiwa bood lang ya ki kyndon.
Ya iwa da dep yoh namo ym em yoh tika toh u booh ha i thaw wa chynna bha ha ka yit wa nakhmat ka kari.
Hap wow deiñ ya ki Mask wa ar-rtap lane da ki N-95 khlem pep hanla em du uwi u bru leh hapoh kari. Ini man i i jooh lada lai luti da ki kari ki bru samen leh. Hap leh wow pynemkaam ya ki Sanitizer wei wow man ka kari wa pynngaad.
Waroh ki kari kamai toh u bood ki thij ya ki kyndon wei wow pynmyllien wow im deiwa yada na u COVID-19 heipor wa em hapoh ka kari.
