Ka Dorbar Dong Iawmulong Nartiang ha ka 4 tarik uni u bnai da yoh ko wow wai ya ka yungskur wa thymme ka Iawmulong Lower Primary School, Nartiang.
Ka Dorbar Dong Iawmulong Nartiang da pynsñiaw ko yei sñiawngooh kawa khroo ya u Thombor Shiwat, MDC ka Nartiang Umladang Constituency kamjooh leh uwa man kam u CEM ka JHADC neidaw wa da man ko ka sngi wow sah kynmoo ya ka chnong Nartiang deiwa yoh ya kani ka yung skur (RCC Building) kawa paka ha ka Dong Iawmulong Nartiang heiwa ya kani da yoh yarap poisa lyngba ka S.A.G Scheme 2020-2021, T. 5,00,000.
Ya kani ka skur da seiñ ya ka ha u snem 1987 da ki waheh yong ka Dong Iawmulong Nartiang, wei da man ko i kyrkhu khyrdoh ya ka Dong khamtam ya ki manyung mansem kiwa em hei duna tymbuiñ neibhah wa kani ka skur da e myntoi ko ya chiboon ki manbei man pa kiwa dooh ki wym yohlaad u pynlai skur khon cha sor lane cha ki skur kiwa bha.
Da wan wai ya kani ka yung ksur wa thymme da u Thombor Shiwat, CEM JHADC hei emlang u Mom Phalangki, Waheh Chnong Nartiang, u Dawyoo Dkhar, Waheh Chnong Modop, Dr. Return Pohsnem, u Sati Swer, General Secretary Dorbar Chnong Nartiang kamjooh leh ki waheh wasian yong ka chnong Nartiang waka chnong Modop.