U Montri ka sorkar Meghalaya Democratic Alliance (MDA) uwa man leh u President ka People’s Democratic Front (PDF), u Banteidor Lyngdoh da ong u wa ha i synchaar paidbah daw em bait i pynbaad wa i yaroh, tangwa ya kitæ waroh toh u pynbait lang lada em i waym hun ki paidbah.
Hajrong i wym hun ki kattu katni kiwa chong chnong ya ka sorkar MDA, u MLA ka Mawkynrew da ong u wa kam u Montri ka sorkar da jooh klam u yeini wei da e yumut u neibynta i bha i miat yong ki paidbah wa chong chnong, deiwa ong wow yah ya ka sorkar em bait i duna heini heitai wa kiwa emkaam wow pynbait wut-wut, wei wow thooh ya ki daw wa ileh ki paidbah chrai ki.
U Banteidor da kubur u wa kamwa man kattæ toh iwa sakhiat wa em i pynbaad ya ka sorkar tangwa kam ini toh u pynbait wei u yaklam wow pynneh ya i chaniah na ki paidbah.
