Yoh pynlait ki pulit ka East Jaiñtia ya ki ar ngut ki khynnah kynthai na Assam

Ki pulit ka East Jaiñtia Hills ha kani 19 wa 22 Naikhynde da yoh yutip ki wa da em ar ngut ki khynnah kynthai kiwa da chah rahbor cha Assam nadooh ka 17 tarik u jooh u bnai.

Kini ki ar ngut toh kiwa 13 wa 14 snem (ymtoh kiwa chi payu) wei toh kiwa sah ha Khliehriat, East Jaiñtia Hills.

Hadien wa yoh yutip yeini ki pulit da Register ki ya ka Case ha Khliehriat Women PS wei hawa pynman ya ka takit da chem wa ya kini ki ar ngut da rah ya ki cha Kalan, Assam.

Ha ka 24 tarik hadien wa yoh ya ka yutip wa tikna ki pulit wa yahkhmat da ka Sub Inspector D. Shabong wa u Sub Inspector B. Marbaniang chirup wa ki pulit ka Assam da yoh ki wow pynlait ya kini ki khynnah.

Related posts

Da em uwa suba emkti hei pynyap ya ka khynnah wa dang 13 snem uwa da yut

October 10, 2025

Chem sa i metyap ka khynnah wa dang 13 snem ha Ri-Bhoi wa chah pynyap

October 10, 2025

Ki ar ngut wa suba wa emkti wow rahbor ya ki, u Saydul Islam wa u Raju (Majuib) da yoh ki wow yut hadien wa chim kabu ki yei doom hei meit wei katni dang thooh ya ki.

Ya kini ki khynnah da ye wow wanrah biang cha Khliehriat, East Jaiñtia Hills wei daw ekti noh ya ki cha ka CWC hadien wa da leh yeiwa emkaam.