U President Rangbah ka National People’s Party (NPP) uwa man leh u khlieh ka sorkar Meghalaya Democratic Alliance (MDA), u Conrad K Sangma da ong u wa ympu em iwon iwon i yaklam wa ka NPP u krehlang ko wa ka Congress ha ka Election heiwa da ong u wa kamwa man katni ka NPP da neh bait ko i yakrehlang wa ka sorkar MDA.
Hawa kylli, da ong u wa ka Election dang slem ko wei ym myntoi wow yaklam nadooh katni wei ympu em i yaklam hajrong ka Election wa kiwon kiwon ki seiñ deiwa ong wa hadooh katni ka NPP hun ko u krehlang wa ki Party ha ka sorkar synrop MDA kiwa da pynyoo ya i mon hadooh wow kut ka samoi krehkaam.
Hawa kylli hajrong u President wa thymme ka MPCC wa daw wanrah ko hei maa ya ka NPP ha ka Election, u Conrad da ong u wa ha ka saiñpyrthai da man bait i yaleh lada chim da uwon uwon u bru wow yaleh pyrchah wei ka NPP ym kheiñstiñ ko kam ka seiñ ya kiwon kiwon kiwa hap yaleh pyrchah ko.
