Uwi na ki dkhot ka All Assam Students’ Union (AASU) da chah tynyap u ha ki bru wa em kamwa 50 ngut ynne ka sngi wei ya uni uwa khlaad da tip kam u Animesh Bhuyan.
Ya u Animesh da mih ki paidbah wow choh wow dat ya oo du neidaw wa suba toh wa emkti u ha i jia wa tyrrah kari ha ini i thaw wa tip kam i Nirmali Chariali iwa dang haap hapoh ka chnong Jorhat, Assam.
Ha ini wa jia da emlang leh u Education Secretary ka AASU Brahmaputra Anchal (Golghat Unit) wa uwi uwa thoh khubor wa sa uwi u wym pu em tipmit heiwa ar ngut na kini leh da mynsoo ki.
Ki pulit ka Jorhat da lai ki wut wut cha ini i thaw heiwa da kit ki ya kiwa mynsoo cha Jorhat Medical Hospital heiwa u Animesh toh uwa da khlaad chwa wow poi cha thaw sumaar.
Kammon wa poi cha ini i sñiawthooh bakla ym pu tip tangwa ini i thaw wa jia toh i thaw pynyieñ Truck.
Neiliang ki pulit da dep ki wow kem ya soo ngut ki bru wa suba wa emkti ha ini i kaam.
Neiliang won u Montri Rangbah ka Assam, u Himanta Biswa Sarma da kular u wow pynchitom ya kiwa emkti.
Katwa ka AASU da e por ko 24 kynta wow kem ya waroh kiwa emkti, lym kamtæ daw leh ko dei kaam.
