theme-sticky-logo-alt
theme-logo-alt
Advertisement ad1
Advertisement ad1

Thoh ka FKJGP cha u SP wa boon kiwa dai drugs ha ki yaw ka East Jaiñtia Hills

Advertisement ad1

Ka FKJGP-Khliehriat Circle ynne ka sngi da thoh ko cha u SP ka East Jaiñtia Hills District yow pynsñiaw yei sñiawkhia hajrong wa ku ki kaam dih drugs wa ki kaam khayi drugs hapoh ka District nadooh ki thaw wa em cha kdong cha chmiang wa ha ki thaw wa pynman yaw.

Ha ka chithi da ong wa kiwa pynemkaam drugs toh ki khynnah lai skur wei i dai drugs toh kiwa em ha yaw Sookilo wa ka yaw Ladrymbai wa ki thaw wa em chajan heiwa da klam leh ya ini i kaam da kiwa boon ki bru wa pawkhmat ka imlang sahlang wa toh u chimkhia yeini i kaam tangwa dang duna bha iwa da leh pyrchah yeini.

Advertisement ad1

Kamtæ da ong wa emkaam wow yaleh pyrchah yeini deiwa ya krehkaam lang wa ka chnat pulit wa kiwa chong chnong kiwa da chemphang ha ini i kaam kamjooh wow e yarap ya kitu kiwa da chah kdoh chah khom ha i drugs deiwa booh da ki Rehabilitation Centres kamjooh ki Counsellors hapoh ka District.

Da kdaw leh yei emkaam wow pynboon ya ki Check Point ha ki sarokbah wei wow pynsñiawthooh paidbah yei maa na i dih drugs.

Chooh chooh kam ka seiñ leh da tyrwa ko yei yarap wow yaleh pyrcha ya ini i kaam yow yoh ya ka imlang sahlang wa chngaaiñ wa kawa chait wa khiah neibynta ki khynroo ka District.

Ya kani ka chiti da ekti ha u DSP neidaw wym em u SP.

Share this:
Previous

Da sdang ya ka SAANS wow yada nei yap kjut ki khynnah ha Meghalaya

Next

Chah tynyap u dkhot ka AASU du nei chah suba sih