U MP ka Shillong Parliamentary Constituency, u Vincent H Pala da ong u wa da rah u ya ki phang wa yatoh wa ka jylla wow klam hapoh ka dorbar Parliament kawa dang lai katni wei da booh u leh ya iwa kwah u wow kylli, tangwa da pyntip u wa yow rah ya ki phang kylli wa da booh ha Parliament toh deiwa pynkhe nasib.
Da pyntip u wa nadooh u snem wa da dep, da klam wow yoh u pynpsiah ya ka ktien Khasi hapoh ka Eight Schedule wei kamjooh ya ka phang khappood, wei da thoh u cha u Lamphang yong ka Dorbar Lok Sabha, tangwa ym tip u wa lada daw yohlaad næ ym yoh wow klam.
U Pala da pyntip u leh wa da yaklam wa u MP ka Rajya Sabha, u Dr. W R Kharlukhi wow rah lang ya ki kattu katni ki phang yong ka jylla, deiwa ong wa hapoh ka jylla em ki jar jiar ka Party, tangwa ha Delhi em ki ka jooh ka yurim wei i thmu toh wow klam neibynta i myntoi wa i emkaam yong kiwa chong chnong ka jylla Meghalaya.
