U President ka Meghalaya Pradesh Congress Committee (MPCC), u Vincent H Pala da ong u wa i klam yaroh ya ka All India Trinamool Congress da u MDC ka Congress na Rambrai-Jyrngam, u Bajop Pyngrope ye u man wa toh neidaw wa kwah u wow yakhun Election MLA na Mawryngkneng.
Da ong u wa u Charles Pyngrope da dep khut u ya u Bajop wow yakhun ya ka Election MLA na Mawryngkneng. Da pyntip u leh wa u Charles da dep ong u chisien wa neibhah wa da rem ha ka Election chiteiñ samoi wei ye wow rem ha u snem 2023 lada ym kylliang noh ya u kyrtong, tangwa da pyntip u wa kam u President ka Party da klam che wa ym chong ha oo samen wow rai ya ka Ticket.
Kam wow kdaw wa u Bajop da e dak u wow mih noh na ka Congress, hawa da klam paidbah u ha ka yalang pynkup burom ya u Charles Pyngrope; wa ka Trinamool Congress daw wan ko hei bor synchaar hadien ka Election 2023.
Hawa kylli, u Pala da ong u wa ym pu yoh wow khut yalam ya u Bajop neibhah wa em ka dorbar Parliament, tangwa da ong u wa ha kini ki kajiak por daw khut wow yaklam wa u MDC uwa da pynsñiaw leh wa u Bajop toh uwi na kiwa yahkhmat ka Party wa em u.
