Jowai : Ka Meghalaya Icon 6 ka wow pynman ha kani ka 8 tarik Naichiphaw ha Shillong da pyndep ko ya ki Audition Round ha Tura, Nongstoin; wei ha Jowai da pynman ha kani ka 24 tarik ha Thomas Jones Synod College yow jied ya ki dhab tem ki wow yoh u yakhun yei naam Meghalaya Icon yong uni u snem.
Ha kani ka audition da wan chimbynta 6 tylli ki dhab na ri-loom Jaiñtia heiwa da jied ya ar tylli ki wow lai yakhun cha ka Final Round ha Shillong.
Ha kani ka kynti da jop ka dhab The Lynx wei da yoh ko leh ya ka song poisa T. 10,000 wei da wan wa ar da ka Fierce Era kiwa yoh leh wa ka song poisa wa T. 5,000.
Neiliang ki dkhot The Lynx da ong ki wa “Kani toh ka sien wa ar wa da yoh i u chimbynta ha ka Meghalaya Icon, kyrmen i wa ha kani ka kynti u yoh i yei jop, heijooh i por neiliang yong ka band e khublei ko ya waroh ki band wa ya chimbynta ha ka 24 tarik, kamjooh leh kyrpad ko ya ki paaid ka ri-loom Jaiñtia wow wan kyrchaan ki ya ki ha ka 8 tarik”.
Discussion about this post