Ki pulit ka East Jaiñtia Hills District da yoh ki wow kem ya 5 ngut ki bru na i thaw rieh ki kiwa da emkti hei wow lute ya ki Petrol Pump ha Shllong, Ri-Bhoi wa ha Khliehriat dang ini wadep wot.
Ha pyrdi synyaw ka 11 tarik hadooh i step synyaw ka 12 tarik ynne, ki pulit hadien wa da yoh yutip ki deiwa tikna da lai kem ki ya soo ngut ki snar tyngkheiñ aiñ na Rynsong Shylla iwa em hajan ka chnong Umlawang, East Jaiñtia Hills heiwa na kini da yoh wow kem ya kawi ka suloi AK-47 deilang wa 14 tylli ki kuli, ki wait, kawi ka thuk-thuk wa em ya u number AS-27D-2482 deilang wa ki kot ki sla wa man kam ki sabut.
Hadien wa kem ya kini ki soo ngut da kem leh sa uwi wa emkti lang wa ki deiwa yarap ki pulit ka Assam.
Kam wow pynkynmoo wa ini wa dep da em ki Petrol Pump ha Shillong wa ha Ri-Bhoi kiwa da chah lute ha ki bru wa rah AK-47 wei kiwa wan da kawi ka thuk-thuk heiwa ya ini da yoh wow riñ dur yei kaam wa leh ki lyngba ka CCTV.
Kiwa chah kem toh kamni ha wah:
- U Jotish Daimary (43 snem) uwa na ka chnong Mazkhuti, Udalguri Assam
- U Bipul Basumatry (37 snem) uwa na ka chnong Bhergaon, Udalguri, Assam
- U Sansoma Mooshahary (32 snem) uwa na ka chnong Kusung Desa, Chirang, Assam
- U Shankar Boro (35 snem) uwa na ka chnong Panbai, Udalguri, Assam.
- U Fajal Haque (33 snem) uwa na ka chnong Hablakha, Kamrup Rural, Assam toh uwa da kem da ki pulit ka Assam na Guwahati.
Puræ leh: Da ka AK-47 pynyang kiwa lute ya ka Petrol Pump wa em ha Ri-Bhoi
