Ka Shillong Cricket Association (A) waka Tura District CA daw yachem Final ki ha ka U-23 Boys Inter District Cricket Tournament ka MCA hadien wa yoh nyngkong ki ha jar jiar ki Zone heiwa ynne ka SCA (A) da jop ko ya ka Ri-Bhoi da 3 Wicket ha ka Zone 1 ha Nongkhrah.
Ka Ri-Bhoi da jop ko yaka kylla khlem wei da jied ko wow Bat nyngkong. U Deekreat Nath (26) wa u Reshab Subedi (22) da kamai lang ki 58 Run neibynta ka Wicket wa nyngkong tangwa ka Ri-Bhoi ym ye ko wow tei hajrong ini heiwa ha iwi i por da yoh ki 89/4. U Bharat wa u Laxman Gurung da kamai lang ki 61 Run neibynta ka Wicket wa 5 tangwa sa chisien da haap biang kiwa Bat waroh deiwa yoh 194 na 48.5 Over.
U Aaron AR Nongrum da ka bol da lehbha u deiwa yoh 3/22 na ki 8.5 Over katwa u Jaskirat Singh da yoh u 2/24 na ki 10 Over ya ka SCA (A).
Hawa kdong ya ka thong, u Avinash Rai da dat u 8 tylli ki 4 Run wa kawi ka 6 Run yow yoh 62 Run wei da kamai lang u 50 Run wa u Jaskirat (18) yow pynjop deiwa yoh 195/7 na ki 10.2 Over hanla lehbha u Sadashiv Prasad daka bol uwa yoh 3/49.
U Jaskirat da yoh u yei naam Man-of-the-Match.
Ya ka Final daw pynman ha Shillong haka 24 tarik uni u bnai.
