Shillong : u Chief Minister ka jylla u Dr Mukul Sangma, ynne da lai pait u ya ka Iewduh ya kawa tip leh kam ka Bara Bazaar, kawi na ki yaw wa heh dooh ha ka jylla.
Hei klam ha kani ka sngi, u Mukul da pynsñiaw u yei mynsien wa sarong wa ka Iewduh kawa e i chakri cha ki paidbah na warim hadooh kini ki sngi kamjooh leh wa ka Hima Mylliem daw yoh ko i kyrchaan wa pura na ka sorkar. Da ong u leh wa ye u pynman ya kani ka yaw kam ka wi na ki Tourist Spot ka wow riñ ya kiwa wan uiñsawari.
Neiliang u RV Lyngdoh, Minister, Urban Affairs, Arts & Culture etc ong u wa da emkaam u pynthymme noh ya ka yaw neidaw wa katni man ko kawa jakhlia yow man ko ka yaw kawa khooid wa suba katkam ka juk wa katni yow yoh kiwa khayi u kreh ha i thaw wa khooid deiwa chngaiñ.
Heijooh i por u Mukul da lai u leh cha ka thaw dai dakha wa em ha kani ka yaw wow yaklam wa kiwa dai kamjooh leh kiwa thied.
Discussion about this post