Ynne ka sngi, ka KSU Jowai Circle waka KSU Moodymmai Unit da yoh ki wow kem 10 ngut ki nong Bangladesh hadien wa pyntip ki paidbah heiwa ka seiñ da yang ko ya ki ha Thadlaskeiñ wei da yoh wow ksoh ya kawi ka Truck wa em ya u Number RJ-07GB-2246.
Na kani ka Truck, ki dkhot ka seiñ da chem ki ya 10 ngut ki bru wa chong rieh hadien heiwa kini ki bru toh ki wym biang ya ki kot ki sla wow pynyoo wa ki toh ki nong India wei hadien ini da phla ki wa toh kiwa wan psiah tooh Bangladesh.
Hadien da wan ki pulit kiwa da chimkti ya kini ki bru.
Ka KSU Jowai Circle da pynsñiaw ko yei chrai wym pynkrehkaam ya ka ILP hadooh katni iwa da e laad ya ki baar jylla wow psiah laitlan ki cha ka Bri U Ynñiawtrep.
