Ynne ka sngi, ka KSU Thangrain Unit dei chrai da lai hiar biang ko sa chisien yow lai pait ya u sarok NJB (Nartiang-Jonglwit-Barato) wa haap hapoh ka chnong neidaw wym chimkhia u Contractor ya uni u sarok wot hadien waka seiñ wa kiwa yahkhmat ka chnong da dep ki wow ujor hajrong ini heiwa neilang u Executive Engineer leh da dep hiar u wow wan pait hi dei khmat yong oo heiwa da phah u leh wow pynkreh biang ya uni u sarok ha ka rukom kawa toh.
Tangwa ka seiñ da ong ko wa uni u Contractor ym em ap u yeini wei da pynkreh u katwa ngait hi u deiwa siang da ki mooria heithaw ki moochip.
Hadien wa chem yeini, ka seiñ da lai mih biang ko cha ka yung krehkkaam ka Executive Engineer, North Division yow khana wa hadien wa tih ya u moochip wa da wan pynhaap da chem toh hapoh da em da u mooria wei da rah lang ya uni u mooria yow pynyoo cha u EE.
Neiliang u EE da chimkhia u ya ini i kaam heiwa neiliang ka seiñ wa kiwa yahkhmat ka chnong da ong ki wa kani toh ka sien wa khaddooh wa lai pait ya uni u sarok lada u Contractor ym kheiñ snep u, ka seiñ wa kiwa yakhmat ka chnong daw chim ki da ka rai wa eh pyrchah ya kiwa emkti wow chna ya uni u sarok.
Puræ leh: Chi kynjet pra wot u sarok, pynsangeh ka KSU waka chnong Thangrain yei kreh
Puræ leh: Phah pynchna ka PWD deiwi ya u sarok hadien wa pynsangeh ka chnong Thangrain waka KSU
