U Montri Rangbah ka jylla, u Conrad K Sangma da ong u wa i thumg kreh ha ki chnat sorkar waphær waphær daw sdang noh i kattu ym slem de hadien wa ki chnat da ye ki wow pynbiang ya ka ‘Roster System’ næ i batai ya i em kiwa kreh na ki jaitbru waphær waphær.
Ynnin ka sngi ka Kasari da pynkut noh ko ya ka mukotduma heiyatoh wa ka ‘Roster System’, hadien wa ka sorkar dadep pynbiang wei yoh ko i mynjur na ka Dhab ki Montri, tangwa neiliang yong ka High Court da ong ko leh wa i thung kreh thymme ympu ye wow leh kat wympu pynbiang yukheiñ ya kiwa da dep thung kreh ha waroh ki chnat ka sorkar.
Hawa kylli ynne ka sngi, u Montri Rangbah da ong u wa ini i khang yong ka Kasari toh wa ka sorkar hap pynbiang chwa ko ya ka ‘Roster System’ ha waroh i thung kreh kiwa dadep nadooh wa sdang, wei hadien wa ki chnat dadep pynbiang ki yeiwa emkaam, daw lai chaphrang biang i thung kreh thymme.
Da ong u wa i thung kreh thymme chong i hei ye ki chnat (Department) wow pynbiang ya ka ‘Roster’. Hawa kylli chooh chooh, u Conrad da ong u wa ya kitu ki kaam wa da hap sangeh hapyrdi i thung thymme, daw pteiñ bait neiwa dadep ymtoh wow sdang thymme biang.
