Yoh myntoi hadooh 403 kiwa kreh Muster Roll na ka sorkar

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Jowai: Ka ophis ka District Labour Office, Jowai ynne ka sngi da pyman ki ya ka yalang wa kyrpang yong kiwa kreh kam ki Muster Roll kiwa em leh hapoh ka seiñ yong ki ka wa tip kam ka Muster Roll’s Worker’s Union Jaiñtia Hills District.

Ya ka yalang da tip kam ka Distribution of Personal Protective Equipment hapoh ka Meghalaya Building & Other Construction Workers Welfare Board (MBOCWB).

Ha kani ka yalang da pynkynmoo biang ya ki Muster Roll ya i myntoi wa yoh ki na ka MBOCWB deiwa man dkhot ki hapoh yong ka kawa pait ya ka pension, ka poisa wa yarap hei kjut hei chitom hadooh wow e scholarship ya ki khon ki wa leh bha ha i puræ puthi.

Hei yatoh wa ini da saam scholarship cha le ngut ki khynnah heiwa arngut toh ki khon ka S. Kyndiah ka wi wa puræ Class V ka wa yoh T. 5,600 wa ka wa puræ Class VII T. 7,000. Da yoh leh ya kani ka Scholarship da u khon ka kong L. Dkhar u wa puræ Class XI ha KNGC.

Kiwa kreh Muster Roll kiwa em 403 ngut kiwa da tipmit da ka Welfare Board da saam cha ki leh ya ki juti, ka helmet, ki sula kreh wa kiwi ki wow pynemkaam kiwa kamjooh wow yada ya ki heipor wa kreh ki.

Neiliang ka ophis ka District Labour da wan ka Labour Inspector ka M.B.  Nongrum kawa ha kani ka sngi da yohlaad ko u jubab ya kiwa boon ki jingkylli na kiwa boon hei yatoh i yarap na ka Welfare Board.