Hadien 2 snem wa da hap sangeh ya ka rynsaan yakob miat khynthai neidaw wa wan ka khlam kjut COVID-19, ynne ka sngi kiwa pyllai ya kani ka yakob da pynbna ki wow pynman biang ya ka ha u Naikhynde uni u snem.
Ka Miss Meghalaya yong u snem 2020 kawa man leh ka dkhot yong ka Miss Meghalaya Organization, ka Akriti Shen da pyntip ko wa neibynta kani ka rynsaan uni u snem ka Audition næ wow thooh ya ki miat khynthai u sdang ko nadooh ka 20 Naisaphra, heiwa da khut ya ki kyllood kiwa hapoh 25 snem wow chimbynta.
Katkam wa pyntip, kawa jop ya kani ka pangchniat Miss Meghalaya 2022 u yoh ko T. 1 lak, kawa ar won T. 50,000 katwa kawa le won T. 25,000.
Chooh chooh da ong wa kawa jop nyngkong u chimbynta ko ha ka rynsaan miat kynthai ka thaaiñ mihsngi namo ka Miss North East 2022 ka wow man ha Kohima, Nagaland ha u Naichiphaw.
