U DC ka East Jaiñtia Hills da pynman u ya ka yalang ha ka 21 tarik uni u bnai yow pynkup burom ya kitu kiwa da emkti wow yarap pynkhooid kamjooh kiwa e yarap cha kiwa chah ktah nei oor khyndaw ha kiwa boon ki bynta u sarokbah NH06 iwa da jia ha u Naiynru uni u snem iwa da ktah leh ya kiwi ki sarok PWD wa ki sarok PMGSY ha kylleiñ ka District.
Da pynkup burom ya ki pulit ka Lumshnong PS, Umkiang PP waka Ratacherra Anti-infiltration Unit.
Da pynkupburom leh ya kiwa yah ya ki kari pooh chiloom kiwa da kreh chitom wow pynkhooid yei ktieh wa i khyndaw.
Da pynkupburom leh ya ka seiñ ki karkhana pynmih khyndaw-bilat kawa tip kam ka Cement Manufacturers Association deilang waka Star Cement kiwa da e yarap da kiwa boon ki laad ki luti.
Da pynkup burom leh ya ki Wholesaler kiwa e baam, e um cha ki bru wa sahkut ha luti.
Ha kani ka yalang da ya phyllu wei da e yumut leh na ki bru paidbah kamjooh ki bru sorkar nadooh ki pulit, kiwa yah kari, ki Contractor wa kammon u leh yow ye u wan e yei yarap dei smat wei heipor wa biang.
Neiliang u DC da e khublei u leh ya waroh ki bru kiwa da pynkhooid ya u sarok du hapoh 3 sngi hanla da joor bha sih u.
