Ynnin ka 9 tarik hadien wa da tip tikna heipor 4:30 i janmiet wa daw em kawi ka Mini Truck wa em ya u Number TR-05B-1903 kawa da wan neiliang Umkiang cha Khliehriat lyngba u sarok NH06 wei toh kawa kit ya ki mar wa da khang da ka aiñ.
Kamtæ ki pulit da pynsangeh kari ki hajan Lumshnong PS yow ksoh ya kani ka truck wei manda poi ko da kaweh kti ya ka yow sangeh ko tangwa da yut pathan ko na kani ka thaw (Checkpoint).
Neiliang ki pulit ka ANTF wa ki pulit ka Lumshnong Police Station da kdong ki ya kani ka Truck wei da chem ya ka 2 Km na i thaw wa em ka Checkpoint heiwa da ieh ya ka da kiwa yah ya ka.
Hawa kynreh yei thaw chong uwa yah kari ym em chem iyi iyi leh tangwa ha i thaw kit mar kani ka truck da chem ya kiwa da murieh bha deimiat hadien ki kriah Plastic ya 212 tylli ki yusong wa da song da kli skem bha kiwa khia 1556 kilo.
Kini waroh da chem toh kiwa song yow bhang uwa chongdor T. 4.7 klur.
Ki pulit dang yaleh ki wow thooh ya uwa yah wa u tre yong ka truck.
