theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Da tyrwa u chna ya u sarok na Garo Hills cha Bangladesh

I pynyabi ya ka India wa Bangladesh lyngba ka thaaiñ North East, toh kawi na ki laad pynyatohlok hapyrdi ki ar ri wei da ye bha u lai chakhmat ha kini ki snem.

Da sdang biang leh ya ka rel wa ki bus hapyrdi kini ki ar ri hadien ka khlam. Nadooh ka 1 tarik Naiynru da pynlai biang ya ka Mitalee Express na New Jalpaiguri cha Dhaka lyngba ka Haldibari-Chilahati.

Kani toh ka rel kawa le hapyrdi ka India wa Bangladesh. Da pynkreh katni ya ka “Agartala-Akhaura-Rail Link” kawa na Agartala, Tripura cha Akhaura, Bangladesh wei da chna leh ya ka “Mahisasan (India)-Zero Point (Bangladesh) New Line” yow pynbha chooh chooh yei yabi kini ki ar ri. I chna ya ka Maitri Setu ha ka wah Feni ha Sabroom toh kawa da dep. Ka Royal Maitri International Bus Services na Tripura cha Kolkata lyngba ka Bangladesh da sdang chna da ka Tripura Road Transport Corporation (TRTC).

Chooh chooh da soi leh ya ka soskular MoU yow kit yei Petroleum, Oil wa Lubricants (POL) kamjooh ka Liquefied Petroleum Gas (LPG) lyngba ka Bangladesh cha ka thaaiñ North East wei ya ka soskular da soi hapyrdi ka Ministry of Road and Highways ka sorkar Bangladesh wa ka Indian Oil Corporation Ltd. ha ka 2 tarik uni u bnai.

Da em leh i tyrwa yow chna ya u sarok na Mahendraganj, WGH Meghalaya cha Hili, West Bengal lyngba ka Bangladesh kawa da wanrah hakhmat ka Bangladesh ha ka Virtual Summit wa da pynman ha u Kmaichonglad 2020, kamjooh heipor wa lai u Prime Minister cha Bangladesh ha u Wisu (Mar), 2021.

Ya ini da pyntip da u Minister of Development of North Eastern Region, u G. Kishan Reddy hapoh ka Lok Sabha.

Share this:
Previous

I pyntip heiyatoh wa ka Agniveer Recruitment Rally neibynta ki kynthai wa chynrang

Next

Yoh kem ki pulit ka East Jaiñtia ya u bhang wa chongdor T. 4.7 klur na kawi ka truck