Ka Super Division Football League Tournament 2022 wa pynman da ka West Jaiñtia District Sports Association (WJDSA) kawa tip leh kam ka U Kiang Nangbah Memorial Trophy dapoi ko cha ka sngi wa ynru ynne.
Ka yalehke wa da pynman ynne toh hapyrdi ka Sohmynting waka Sabahmuswang kawa da kut da 1-1.
Ka Sohmynting da yoh ko wow thap kool nyngkong ha ka minit wa 21 lyngba u Meker Suting kawa da neh hadooh chwa u kut ka yalehke heiwa ka Sahabahmuswang da yoh ko wow thap ha ka minit wa 90=2 lyngba u Kerlang Shylla.
Ynnin leh ka yalehke da kut ko khlem em wa jop hapyrdi ka Nangbah Mulang waka Mynthong da 2-2. Heiwa ya ka Nangbah Mulang da thap da u Pynshai Lathong ha ka minit wa 35 wa 56 katwa ya ka Mynthong da thap da u Teibokmi Lyngdoh ha ka minit wa 45+3 wa u Romaric B Nguefang ha ka minit wa 82.
Ka yalehke mynstep won toh hapyrdi ka Shangpung Lumiawmushai waka 7 Wasa heipor 3:00 waje i sngi.
