theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pyndep ka Seiñ Raij Mukhla ya ka Behdieñkhlam da ka khubor wow yait nei drugs

Ki khon ka Niamtre ka Raij Mukhla ynne ka sngi da pyndep ki ya ka lehniam Behdieñkhlam ha Aitnar kawa em ha chnong Mukhla heiwa ha uni u snem da yoh u chimbynta ki paidbah khlem da booh kyndon hadien ar snem heiwa da wan wow sakhi da u Montri Rangbah ka jylla, u Conrad Sangma kam u kongsan. 

Ha kani ka sngi chwa wow hiar rah ya ki rong ki rup cha Aitnar da em ka yachem chwa ha Madan Slotmasi heiwa da tympat ya ki Dieñkhlam.

Ha kani ka sngi da wanrah 13 tylli ki rong deilang wa ka khubor wow kyntait yei pynemkaam drugs. 

Kani ka lehniam Behdieñkhlam toh kawa khaddooh dooh na ki Behdieñkhlam yong uni u snem wa pyndep da ki khon ka Niamtre hapoh Ri-loom Jaiñtia heiwa ya ka Behdieñkhlam wa nyngkong da pyndep da ka Raij Chyrmang ha u Naitung (Apr). 

Neiliang u Conrad hawa e yei klam da pynsñiaw u yei sñiawkmen wow yoh u emlang ha kani ka sngi kawa da yoh wow lehkmen lang waroh hadien ar snem.

Da ong u leh wa dap dei sñiawsarong wow yoh u yoo ya ka riti ka dustur kamjooh ka niam ka rukom wa em hapoh ka jylla wa hadooh katwon mahajon ka jaitbru kamjooh i pynneh pynsah yei yong uwa rim wa jah wei neiliang ka sorkar leh kyrchaan ko ya ini waroh deiwa e ki yarap ha kiwa boon ki liang wei kamjooh yow pynchna pynmiat ya ki thaw wa pynman ya ki thaw lehniam.

U Conrad da kular u leh wow e yarap poisa ya ka Seiñ Raij Mukhla yow pyntikna wa kani ka lehniam u pteiñ wei yow khriñ leh ya kiwa uiñke suwari.

Da emlang leh ha kani ka sngi wa u Sosthenes Sohtun, MLA Jirang, u MLA ka Jowai, u Wailadmiki Shylla, u CEM ka JHADC, u Thombor Shiwat, ki MDC kam u Lakhon Dkhar, Wailad Bhoi, u Dollo ka Jowai, u Dolloi ka Nangbah, u Dolloi ka Shangpung, u DC wa SP ka West Jaiñtia Hills wa kiwi kiwi de heh sorkar wa kiwa chah khut sñiawbha.

Share this:
Previous

Super Division: Khlem em wa jop hapyrdi ka Sohmynting waka Sabahmuswang

Next

Rai u R.L. Tariang deilang kiwa bood wow kyrchan pura ya u Stephanson Mukhim