Uwa yahkhmat ka Liang Pyrchah ha ka jylla, u Dr. Mukul Sangma da ong u wa ka UDP, ka NPP wa waroh ki seiñ saiñpyrthai kiwa em ha ka sorkar katni wa da jan ka Election toh kiwa stat bha u ak kam ki Actor, daw yoh sñiaw yei yaklam wa biang wa ki rukom ak wa biang, daw yaklam pyrchah para ki, kamwa da leh ha ki por wa da dep.
Da ong u wa lada ym em ong ki nachwa leh wa ki ym em ki iyi iyi wa ka BJP wei kini ki jooh ki seiñ nadooh ka UDP, HSPDP, NPP daw ong ki yei jooh katni leh.
Hawa klam ha ka yalang yong ka Trinamool ha Mawkyrwat ynnin ka sngi, u Dr. Mukul da ong u wa sñiawsarom u wow ong wa oo man u kam uwa yahkhmat ka saiñpyrthai na i daw ki kattu katni, heiwa da pynbaad leh ya u Symbood Montri Rangbah uwa da thaad madan wa ki toh kiwa myllien u thok. Da ong u wa i klam u Prestone Tynsong sñiaw la kam wa mihkhmat lut u ya waroh kiwa yahkhmat saiñpyrthai, wei da pynrap wa ye u wow mihkhmat ya ka NPP tangwa kiwa yahkhmat ka Trinamool Congress ym toh kam kitæ ka jait ki bru saiñpyrthai.
Da ong u wa ki bru kiwa kreh hok neibynta ki paidbah wa ka jaitbru ym emkaam u thok wei wow lute ya ki paidbah.
Ha iwi i liang uwa yahkhmat ka Trinamool Congress da klam tikna u wa ka TMC daw yoh ko wow synchaar ya ka jylla hadien ka Election yong u snem 2023 wei daw kreh leh hadooh wa kiwa chong chnong u sñiaw ki wa da biang.
