Ki yalehke ka Super Division ka Saipung Block Sports Association (SBSA) wa pynman ha chnong Lamyrsiang, ynne ka sngi da pyndep ya ki yakhun Semi Final (Second Leg) kiwa ar tylli yow jied ya kiwa psiah Final.
Ka Semi Final (Second Leg) wa nyngkong da pynman hapyrdi ka Latyrke SC waka Jalaphet Bri Sumer SC wa jop da ka Latyrke da 2-0 da ki kool wa thap u Vanlaldon Hmar ha ka minit wa 68 wa u H. Lakhhuan Sanga ha ka Minit wa 90+. Deiwa kheiñ da ka Aggregate da yoh psiah Final ka Latyrke (4-1)
Ha ka Semi Final wa ar, ka Mulait United da jop ko da 2-0 ya ka Lamyrsiang SCC da ki kool wa thap u Bing Chyrmang ha ka minit wa 8 wa u Iaraplang Suchen ha ka minit wa 47. Deiwa kheiñ da ka Aggregate da yoh u psiah Final ka Mulait (3-0).
Kamtæ ka Final u pynman hapyrdi ka Latyrke SC waka Mulait United FC ha ka tarik wa daw pynbna hadien.
