Uwi u bru wa chong wa sah ha chnong Maskut, West Jaiñtia Hills District ynne da lai ujor FIR u ha Ummulong Beat House hadien wa chah pynbaad u wa e ksuid u ya kawi ka khynnah wa sah ha kani ka chnong hi.
Katkam ka FIR da ong u wa kiwa hayung hasem kani ka khynnah da wan ki ha yung u deiwa pynbaad wa kani ka khynnah da chah e ksuid ko wei da kbai ko yei pyrtuid u wei da maham ki wow dat u bom oo leh. Tangwa hei yong sakhiat kani ka khynnah toh kawa dih bih.
Neiliang uwa chah pynbaad da ong u wa ym tip u iyi iyi leh chaphang ini wei ki bor ka chnong da booh ki ya mynstep ka 11 tarik wow bichaar ya oo kam ka chnong wei kattæ da im u hei tieñ ya jia iyi iyi ya oo hadooh wa ye u chah tynyap.
Kamtæ da kyntu u ya ki pulit wow leh iyi iyi katkam ka aiñ yow yada nei jia iwon iwon wa sñiawsih.
