2nd North East Olympic Games: Psiah Semi ka Meghalaya, Nagaland, Manipur wa Mizoram

Ynne da pynskem ya ki liang wa psiah Semifinal ka U-21 ka yalehbol ki chynrang ha ka 2nd North East Olympic Games 2022 deiwa jop ya ka Meghalaya, Mizoram wa Nagaland.

Ka yalehke hei step toh hapyrdi ka Meghalaya waka Arunachal Pradesh wa da jop da ka Meghalaya 6-0 ha ka madan MFA, Third Ground, Polo.

Ya ka Meghalaya da thap kool da u Everbrightson Mylliempdah (8’), Figo Syndai (39’, 62’) u Damonlang Pathaw (41’), u Dajiedlang Wanshnong (57’) wa u Nelson Rymbai (79’).

Ka Mizoram da sdang ko ya ka yalehke yong ka ynne heiwa da jop ko ya ka Assam da 6-0 da ki kool wa thap u Joseph Lalvenhima (18’P, 25’, 37’, 62’), u K Lalrosanga (47’) wa u Rohlupuia (51’).

Ka Assam da rem ko ha ka Manipur ha ka 7 tarik iwa mut da dooh ko wow lai chakhmat tangwa neidaw wa em du le tylli ki liang ha ka Group 1, ka Mizoram waka Manipur da yoh ki wow psiah cha ka Semifinal tangwa yow tip kiwon wow yoh nyngkong wa kiwa yoh wa ar daw rai manda yachem ki ha ka 11 tarik.

Ha ka yalehke wa khaddooh ynne ka sngi, ka Nagaland da yoh ko wow psiah Semifinal deiwa jop ya ka Sikkim da 4-0. Ya ki kool da thap da u Yhoto Lohe (19′), u Thulunso (35′), u Hivika (55′) wa u Pursunep (88′).

Related posts

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Deilang ka Fete, ka Housie, ka pynkhle nasib ha ka Final ka Tournament ka Moosianglamare New & Youth Welfare Organisation SC

July 5, 2026

Ka Sikkim da dep rem ko ha ka Meghalaya da 6-1 iwa mut da dooh ko wow psiah Semi deilang waka Arunachal, wei daw yaleh ki wow yoh wa le ha ka Group 2 katwa ka Meghalaya daw yachem ko waka Mizoram yow yaknieh yoh nyngkong.

Mynstep daw pteiñ da ki yalehke ka U-17 ki kynthai heiwa ka Arunachal Pradesh daw yachem ki waka Mizoram haka Group 2 heipor 11:00 waje i step wei daw pynbood da ka Sikkim waka Manipur ha ka Group 1 heipor 3:30 i sngi.